వలపుల పల్లవిగా
విరిసినది వసంత గానం
వలపుల పల్లవిగా
మనసే మందారమై
వయసే మకరందమై
అదేదో మాయ చేసినది
విరిసినది వసంత గానం
వలపుల పల్లవిగా
ఝుమ్మంది నాదం రతివేదం
జతకోరే భ్రమర రాగం
రమ్మంది మొహం ఒక దాహం
మరులూరే భ్రమల మైకం
పరువాల వాహిని
ప్రవహించే ఈ వని
ప్రభవించే ఆమని
పులకించే కామిని
వసంతుడే చెలికాంతుడై
దరిచేరే మెల్లగా
విరిసినది వసంత గానం
వలపుల పల్లవిగా
ఋతువు మహిమేమో విరితేనే
జడివానై కురిసే తియ్యగా
లతలు పెనవేయ మైమరచి
మురిసెను తరువు హాయిగా
రాచిలుక పాడగా
రాయంచ ఆడగా
రాసలీలా తోడుగా
తనువెల్ల ఊగగ
మారుడే సుకుమారుడై
జతకూడే మాయగా
విరిసినది వసంత గానం
వలపుల పల్లవిగా
విరిసినది వసంత గానం
వలపుల పల్లవిగా
మనసే మందారమై
వయసే మకరందమై
అదేదో మాయ చేసినది
విరిసినది వసంత గానం
వలపుల పల్లవిగా
విరిసినది వసంత గానం
వలపుల పల్లవిగా
No comments:
Post a Comment