రచన - బ్రహ్మశ్రీ సామవేదం షణ్ముఖశర్మగారు
శ్రీరాజశ్యామలే ! కీరాంచితకరకోమలే !
ధీరారాధితపదకమలే! భవదారాధనయా ధన్యోఽహమ్॥శ్రీరాజశ్యామలే॥
మణిమయవీణావాదనరసికే ! క్వణితకింకిణీకలితహంసకే ! సృణిపాశచాపసుమశరహస్తే ! అణిమాదికసిద్ధిదే ! ప్రశస్తే!॥ శ్రీరాజశ్యామలే॥
విశుక్రదనుజాంతకి ! మాతంగి ! కృశానుదినకర-శశినయనే ! విశదమంత్రనాయికే ! ప్రధానే ! ప్రశమితతాపే ! భవసంతారిణి !॥ శ్రీరాజశ్యామలే॥
మదముదితారుణలోచనే ! ! మృదుమందస్మితవదనే! చిదాకృతే ! మరకతమణినీలే ! మదంబికే ! షణ్ముఖనుతలీలే!॥శ్రీరాజశ్యామలే॥
No comments:
Post a Comment