పల్లవి:
నీకోసమే ఈ అన్వేషణ నీ ధ్యాసలో ఈ ఆలాపన
ఎడబాటు రేపిన విరహ వేదన నరక యాతన
కాలమే దీపమై దారి చూపునా...
చరణం: 1
కళ్ళల్లోన నిన్ను దాచినా ఊహల్లొన ఊసులాడినా
స్వప్నంలోన ఎంత చూసినా విరహమే తీరదే
జాజికొమ్మ గాని ఊగినా కాలి మువ్వ గాని మోగినా
చల్లగాలి నన్ను తాకినా నీవనే భావనే
ఎదురుగ లేనిదే నాకేం తోచదే రేపటి వేకువై రావే..
చరణం: 2
నిన్ను తప్ప కన్ను చూడదే లోకమంత చిమ్మ చీకటే
నువ్వు తప్ప దిక్కు లేదులే ఓ సఖీ నమ్మవే
గుండె గూడు చిన్నబోయెనే గొంతు ఇంక మూగబోవునే
నీవు లేక ఊపిరాడదే ఓ చెలీ చేరవే
ఆశలు ఆవిరై మోడైపోతినే తొలకరి జల్లువై రావే
No comments:
Post a Comment