శ్రీ కృష్ణదేవరాయలు వారు భారతీయ చరిత్రలో చిరస్థాయిగా నిలిచిపోయే మహామహుడు. ఆయన సాహితీ పరంగా, పరిపాలనా పరంగా, యుద్ధ క్షేత్రంలోనూ అసమాన ప్రతిభ కనబరిచిన యుగ పురుషుడు.
సాహితీ సమరాంగణ సార్వభౌముడు
శ్రీ కృష్ణదేవరాయలు తెలుగు భాషకు ఇచ్చిన ప్రాధాన్యత వర్ణనాతీతం. "దేశ భాషలందు తెలుగు లెస్స" అనే ఆయన మాట నేటికీ తెలుగువారి గర్వకారణంగా నిలుస్తోంది. అష్టదిగ్గజ కవులను ప్రోత్సహించి, వారి రచనలకు రాజాశ్రయం కల్పించిన కవీంద్రుడు. తానే స్వయంగా "ఆముక్తమాల్యద" అనే కావ్యాన్ని రచించి, శ్రీ ఆండాళ్ అమ్మవారిని ప్రశంసిస్తూ తెలుగు భాషలో అమృత గుఛ్ఛాన్ని అందించారు.
అపర సమరసింహుడు
అయన యుద్ధ తంత్రం, పరాక్రమం నేటికీ ఉదాహరణగా చెప్పబడుతుంది. విజయనగర సామ్రాజ్యాన్ని శత్రువుల నుండి రక్షించి, దాన్ని అత్యున్నత శిఖరాలకు చేర్చిన సింహస్వప్నుడు. ఉత్తరాదిలో గోల్కొండ, బీజాపూర్ సుల్తానులను, దక్షిణాదిలో ఒడిశా గజపతులను ఎదుర్కొని విజయదుందుభి మ్రోగించిన అపర విజయనాథుడు. రాకస తంగడి యుద్ధం ఆయన ధైర్యసాహసాలకు గట్టి నిదర్శనం.
సామ్రాజ్య పరిపాలన – ఒక స్వర్ణయుగం
ఆయన పాలనలో వ్యవస్థాపితమైన వ్యవసాయ విధానాలు, నీటి పారుదల ప్రణాళికలు, సాంస్కృతిక వికాసం విజయనగర సామ్రాజ్యాన్ని మునుపెన్నడూ లేనివిధంగా అభివృద్ధి చేశాయి. రాజధాని హంపి తానే ఒక మహత్తర కట్టడం కౌశలం, సాంకేతిక నైపుణ్యానికి నిలయం. హంపి బజార్లు, విగ్రహాలు, రథ వీధులు నేటికీ ఆయన వైభవాన్ని ప్రతిబింబిస్తున్నాయి.
రాజాధిరాజ బిరుదులు
శ్రీ కృష్ణదేవరాయలు "కర్ణాటకాంధ్ర బోజుడు", "అష్టదిగ్గజ మౌళి", "యుగపురుషుడు", "రాజాధిరాజ రాజ మార్తాండ మూరురాయరగండ" వంటి అనేక బిరుదులతో విరాజిల్లిన మహామహుడు.
555వ జయంతి – మహానాయకుడికి నివాళి
ఈ రోజున, ఆయన 555వ జయంతిని పురస్కరించుకుని, ఆ మహానుభావుని సేవలు, విజ్ఞాన సంపత్తి, పరిపాలనా నైపుణ్యాన్ని స్మరించుకోవడం తెలుగువారి అదృష్టం. ఆయన చూపిన మార్గం, ఆయన కీర్తి, ఆయన ఆలోచనాశైలి నేటి పాలకులకు, ప్రజలకు ఒక మార్గదర్శకంగా నిలవాలి.
శ్రీ కృష్ణదేవరాయల వారికి మనమందరం కృతజ్ఞతలు తెలిపుతూ, ఆయన సమృద్ధమైన వారసత్వాన్ని గర్వంగా స్మరించుకుందాం.
No comments:
Post a Comment